Coa finalidade de acadar o pleno emprego en Lalín e de garantir a igualdade de oportunidades para todos no acceso ó mercado laboral, a Axencia de Emprego e Desenvolvemento Local (ADL) centra a súa actividade na promoción e no apoio ás iniciativas de desenvolvemento económico con accións de información, orientación, colocación, formación, asesoramento e elaboración de proxectos.


O Concello de Lalín participa como centro asociado do Servizo Galego de Colocación, xestionando ofertas e demandas de emprego a través dunha base de datos conectada coa Consellería de Asuntos Socias, Emprego e Relacións Laborais.