|
Queridas e queridos lalinenses: Os días grandes de Lalín, os das festas patronais na honra da Vires das Dores, xa están de novo con nós. Entre os días 23 e 27 de setembro contaredes cun bo pretexto para abrir unha paréntese no traballo e para entregarvos con entusiasmo á diversión e ao entretemento que, sen dúbida, vos depararán as diversas actividades organizadas pola comisión de festas. Durante cinco días e cinco noites os lalinenses poderemos sentir orgullo dunhas festas que, pola calidade e variedade do seu programa, diferénciannos doutras localidades semellantes e sitúanos no privilexiado grupo das cidades galegas. Así o probas as actuacións dos grupos Iguana Tango, Los Suaves, Lengua Secreta e El Sueño de Morfeo, contratados pola organización coa pretensión de converter estas festas nunha celebración popular, especialmente dedicada aos lalinenses, pero tamén dotada de atractivos suficientes para chamar a milleiros de visitantes. Tendo en conta que estas datas son propicias para o reencontro cos familiares e amigos que non residen en Lalín pero que acoden puntuais a esta cita festiva, pídovos aos lalinenses que aportedes o voso grao de area para que tódolos visitantes se sintan coma no casa e poidan contemplar con saúdable envexa ea transformación dunha pequena cidade que ano tras ano compatibiliza a súa expansión cunha imaxe acolledora, hospitalaria e rica en matices. Por último, quero agradecer especialmente a dedicación da comisión de festas e do concelleiro Agustín López, que traballaron sen respiro para que todo apareza impecable para o voso goce, e en nome da Corporación Municipal e do meu propio, recibide os nosos maiores desexos de ledicia e felicidade para este días de festa. Unha forte aperta do voso alcalde. Alcalde de Lalín
Atrás |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
