Cando se achega o ocaso do verán para xa dar paso á estación outonal, comezan as festas patronais de Lalín na honra da Virxe das Dores. É tempo de que lalinenses e visitantes gocen do intenso e variado programa de actividades que se desenvolverá entre os días 19 e 23 de setembro en diferentes emprazamentos da nosa acrópole urbana. Será tamén a hora de que saia a relucir o traballo realizado ao longo de todo un ano pola comisión de festas, co respaldo permanente do Concello de Lalín.

O inicio das festas marcarao o tradicional lanzamento do chupinazo. A partir deste momento sucederanse, ao longo de cinco días, actuacións musicais das mellores orquestras e bandas de música do panorama galego, actividades deportivas e culturais, espectáculos dirixidos aos máis cativos e actos relixiosos, que encherán de ledicia o noso pobo para disfrute dos veciños e dos que nos visiten neses días.

O grupo Dover, a Banda de Nash, El Combo Dominicano e o dúo  Hevel & Rayel conforman os principais atractivos dos festexos deste ano, aínda que non podemos pasar por alto a presenza de grandes orquestras como Panorama, Sintonía de Vigo, Costa Oeste, Casablanca, Galilea ou Salsa Rosa, entre outras.  O apartado musical abrangue tamén a participación das catro bandas de música de Lalín, máis a Banda Municipal de Ourense e a Banda de Música de Merza, así como doutras agrupacións de gaiteiros, charangas e formacións culturais diversas.

Dentro do amplo programa de actos para os máis novos non hai que descoidar a presenza de Viravolta ou Ghazafelhos ou o festival infantil O xou dos paiasos. Estou convencido de que estas actividades, do máis diversas, conseguirán integrar aos pequenos nas festas e facelos copartícipes das mesmas para a súa ledicia e a dos organizadores.

Quero, por último, facer extensiva a miña noraboa aos membros da comisión de festas pola dedicación de boa parte do seu tempo e polo esforzo para preparar estas festas en honra á Virxe das Dores, traballo que ás veces non é suficientemente recoñecido.

Felices festas a todos e todas.
José Crespo Iglesia

PROGRAMA 2008
venres 19
21:00	Lanzamento do chupinazo e buqué de 8 bombas de palenque
	Grupo de percusión "Perqart"
22:30	Verbena (Praza da Igrexa)
	ORQUESTRA CASABLANCA
	BANDA DE NASH

sÁBADO 20
10:00	Disparo de bombas
10:30	Pasarrúas
	Charanga Los Bercianos de León
	Gaiteiros Os Trasnos de Doade
12:00	Concerto na Praza da Vila
	Banda de música de Merza
16:30	III Enduro Indoor Concello de Lalín ( A carón do Auditorio ao Aire Libre)
18:00	Festival infantil
	O xou dos paiasos (Praza da Torre)
	Mortadelo, Filemón, Pato Donald, os Simpsons...
18:30	Balonmán: Trofeo de Lalín
	Bm. Lalín - Puerto Cruz (Tenerife)
19:00	Pasarrúas
	Banda municipal de Ourense
	Charanga los Bercianos
	Charanga Lenda Mandeu
21:00	Concerto na Praza da Vila
	Banda municipal de Ourense
22:00	Verbena coas orquestras
	El combo dominicano (Campo da feira vello)
	Gran orquestra HEVEL & RAVEL (Praza da Igrexa)

DOMINGO 21
10:00	Disparo de Bombas
10:30	Pasarrúas
	Banda de gaitas Os Dezas de Moneixas
	Banda de música de Lalín
	Asociación cultural A Carballeira de Cercio
12:00	Misa Solemne coa
	Coral polifónica de San Xoan de Carbia
	Tradicional Ofrenda á Virxe das Dores a cargo do alcalde de Lalín, Xosé Crespo.
13:00	Procesión da Virxe das Dores e disparo de bombas.
13:30	Concerto na Praza da Vila
	Banda de música de Lalín
18:·00	Festival infantil (Praza da Torre)
	Circo Alegro
	Baile rexional a cargo da Asocicación A Carballeira de Cercio
19:00	Concerto na Praza da Vila
	Banda xuvenil de Lalín
21:00	Concerto na Praza da Vila
	Banda de música de Lalín
22:00	Verbena coas orquestras
	Orquestra Galilea (Campo da feira vello)
	Salsa Rosa (Praza da Igrexa)
24:00	Espectáculo de fogo fixo e voador, a cargo de Pirotecnia Penide (na zona da rolda leste).

LUNS 22
11:00	Disparo de Bombas
11:30	Pasarrúas
	Nova Banda de Vilatuxe
	Lenda Mandeu
12:00	Concerto na Praza da Vila
	Nova Banda de Vilatuxe
17:00	Festival infantil na Praza da Torre
	Ghazafelhos
21:00	Verbena na Praza da Igrexa
	Costa Oeste
23:00	Concerto no Campo da feira vello
	DOVER

MARTES 23
11:00	Disparo de Bombas
11:30	Pasarrúas
	Banda de música de Muimenta
	Gaiteiros Os Xuncos
	Viravolta
12:00	Concerto na Praza da Vila
	Banda de Música de Muimenta
18:00	Festival infantil
	Viravolta
19:00	Gaiteiros - Baile
	Grupo Ai Lola
	Gaiteiros Os Xuncos
21:00	Concerto na Praza da Vila
	Banda de música de Muimenta
22:00	Verbena coas orquestras
	Panorama (Campo da feira vello)
	Sintonia de Vigo (Praza da Igrexa)