O seu obxectivo é facilitar ós mozos e mozas de 12 a 30 anos o acceso a diferentes bens e servicios a través de descontos ou vantaxes, tanto no territorio nacional como en distintos países europeos nos que o carné xove euro<30 está implantado.

Permítelle ós seus titulares un acceso privilexiado a diferentes bens e servicios que abranguen tódolos ámbitos: cultural, aloxamento, transportes, comercial, ensino, etc. Así mesmo, os posuidores do carné xove euro<30 teñen un seguro gratuíto que cubre o maior número de continxencias posibles nos desprazamentos para que así poidan facer fronte ós imprevistos que poidan xurdir nos viaxes.

Ademáis, entre as prestacións do carné xove euro<30 destacan os servicios financeiros e as garantías no estranxeiro, a través dos cales a Consellería de Traballo e Benestar pretende fomenta-lo desenvolvemento, a mobilidade e a mellora de condicións da vida cotiá dos mozos e mozas galegos.

Dirixido a tódolos mozos e mozas entre 12 e 30 anos, ámbolos dous inclusive.

Para obtelo é preciso cubrir un impreso, presentar o DNI e pagar 6 €. Pódese obter nos Servicios de Xuventude das Delegacións da Consellería de Traballo e Benestar, nas Casas de Xuventude, no Centro Coordinador de Información e Documentación Xuvenil de Santiago de Compostela, nas oficinas municipales de información xuvenil integradas na rede galega de información e documentación xuvenil, e demáis puntos expendedores.

Pódese usar naqueles establecementos e servicios que figuran na páxina web www.xuventude.net , así como nos establecementos que exhiban o logotipo do carné xove euro<30.

Este carné ten unha vixencia de dous anos contados a partir da data da súa expedición.